د برازیل د نامتو لیکوال «پاولو کویلیو» لس غوره خبرې

ژباړه: مصطفی صفا

۱: څوک چې زما لپاره غلا کوي، ښایې له مانه هم غلا وکړي.

۲:حقیقت هغه مهال تاته خپلواکي دربښي، چې حقیقت وپېژنې. 

۳:مرګ زموږ ترټولو غوره ملګری دی، ځکه زموږ ژوند ته معنا وربښي.

۴:ټول هغه شیان چې زموږ ترڅنګ  او  زموږ په ماحول کې دي. موږ ته د زده کړې او تجربې چانس او فرصت راکوي. 

۵:زموږ  د خپل ژوند  د بې معناوالي پړه  له ځان پرته په بل هېچا باندې نه شو وراچولی.

۶:چېرته چې ایمان وي، هلته حقیقت هم شته. 

۷:له مرګه خبرېدل، په موږ کې له ژوند سره مینه او علاقه زیاتوي.

۸:که چېرې له خپل تېر ژوند څخه ناراضي وې، ټوله ماضي هېره کړه، نوی داستان جوړ کړه او په هغو باور وکړه. 

۹:زیات ډارن خلک نه ماتې خوري او نه بریالي کېږي.

۱۰:د ژوند ښکلا او ښایست په دې کې دی، چې ګوندې وي، یوه ورځ زموږ خیالونه او امیدونه حقیقت پیداکړي.