کلسترول او په وجود کې د هغوی نارمله کچه

کلسترول او په وجود کې د هغوی نارمله کچه

ژباړونکی: عبدالنصیر فراهي

کلسترول هغه شحمییزه ماده ده چې د بدن په ټولو سلولونو کې شتون لري او د حجراتو د دیوال او هورمونونو په جوړښت کې رغنده رول لوبوي. د شحمو مالیکولونه د کولمو نه د کلسترول په واسطه د وینې دوراني سیستم ته لیږدول کیږي او لویه برخه یي په بدن کې د ځیګر لخوا جوړیږي او پاتې برخه یې د کلسترول  او د شحمو نه ډکو موادو سره وجود ته لیږدول کیږي.

د کلسترول ډولونه:

• (LDL (Low Density Lipoprotien کلسترول:

دا هغه کلسترول دی چې  سریښناکه خاصیت لري او په اسانی سره د رګونو په داخلي دیوال پورې نښلي او د رګونو د تنګیدو لامل ګرځي. چې له همدې لامله د بد کلسترول په نامه یادیږي.

• (VLDL (Very Low Density Lipoprotien کلسترول:

دا ډول کلسترول د شحمیاتو مالیکولونه د ځیګر نه د بدن نورو غړو ته لیږي او د شحمو د لیږدولو وروسته په نسج بدلیږي چې د LDL کلسترول په نامه یادیږي.

• (HDL (High density Lipoprotein کلسترول:

دا ډول کلسترول په رګونو کې LDL کلسترول پیدا کوي او ځان ورپورې نښلوي او LDL کلسترول د رګونو له داخلي دیوال څخه پاکوي او د رګونو د بندیدو مخنیوی کوي. چې له همدي امله د ښه کلسترول په نامه یادیږي.

په وینه کې د کلسترول نارمله کچه:

که چیرې د شخص په وینه کې په یوه دیسي لیټر کې له ۲۰۰ ملي ګرامه  کلسترول شتون ولري د زړه د سلامتیا په مانا ده.  که چیرې د وینې کلسترول د ۲۰۰ او ۲۳۹ تر مینځ وي شخص د وینې په کلسترول اخته کیږي د زړه د حملې د خطر سره مخ کیږي. که چیرې د وینې کلسترول په  یوه دیسي لیټر کې  تر ۲۴۰ ملي ګرامه لوړ وي شخص په جدي ډول د زړه د حملې سره مخ کیږي او  د وینې د کلسترولو  د ښکته کولو لپاره  درملنې  او پرهیز ته اړ کیږي.

که چیرې شخص د وینې لوړ کلسترول او د وینې فشار ولري، د زړه د حملې خطر یې ۶ برابره کیږي او که چیرې شخص سګرټ څکوي نو خطر یې ۲۰ برابره ډیریږي.

د کلسترول ضد خواړه:

په عموم ډول ټول سبزیجات (سابه، پالک، بنډۍ، ګلپي…) او حبوبات (لوبیا، نخود او…) د کلسترولو په کمولو کې اغیز لري. چې د دوی په مینځ کې وربشې،  هوږه او پیاز، د شحمي تیزاب، اومیګا-۳، پکتین، فیبر، بتاکاروتن په لرلو سره د کلسترول په کمولو کې رغنده رول لوبوي.

د سپورټ له لارې د وینې  د کلسترولو کمول:

سپورټي فعالیتونه په وینه کې د HDL کلسترول د ډیریدو او د LDL کلسترول د کمیدو سبب ګرځي او سپورټ د بدن د وزن د کابو کولو عامل ګرځي. همدارنګه په رګونو کې د وینې د ګرځیدو او د کرغیړنو موادو د پاکیدو لامل ګرځي او بالاخره د زړه د عضلاتو د غښتلتیا لامل ګرځي د وینې په پمپ کولو مثبتې اغیزې لري.

سرچینه پوهنځۍ ټکی کام